Op vriedig 8 december organiseert de St. Bergse Mansluuj alweer häöre 6e Buutte Aovend bie de Knoär in Berg aan de Maas!

De ieëste buutteredner begint óm 20:30 oer. G’r kènt al ’n oer van te veure ’n plaetske in de zaal oetzeuke es g’r wilt. Kaarte à € 7,50 per sjtök kènt g’r kriege bie Jo Strijkers, Schoorweg 34, Berg aan de Maas, of bie Omani Style Berg aan de Maas.

Ze höbbe weer de bèste buutteredners weite te sjtrikke. Wat dach g’r van Henry van Geneijgen (mieërdere kieëre finalist LK), Huub Stassen (3 kieër LK gewónne!) en Fer Naus (3 kieër gewónne en huidig Limburgs Kampioen!). En de pauzemeziek wurt verzörg door de bèste Zaate Hermenie van Berg aan de Maas en Nattenhaove; Einrichting. Dus zörg det g’r ’t neet mis!